Два ведамствы надумалі аб'яднацца і арганізаваць авіяпатруляванне Беларусі

Навошта?

Кіраўніцтва двух беларускіх ведамстваў - Міністэрства лясной гаспадаркі і Міністэрства ў надзвычайных сітуацыях Беларусі надумалі аб'яднацца і арганізаваць авіяцыйнае патруляванне тэрыторыі краіны. Цяпер ведамствы прапрацоўваюць канкрэтныя маршруты.

Для каардынацыі дзеянняў з выратавальным ведамствам у Міністэрстве лясной гаспадаркі напярэдадні, 18 сакавіка, правялі нараду з прадстаўнікамі дзяржаўнай авіяцыйнай аварыйна-выратавальнай установы "Авіяцыя". Аб'яднаць намаганні супрацоўнікі двух ведамстваў традыцыйна надумалі ў пачатку пажаранебяспечнага перыяду - для эфектыўнага маніторынгу ляснога фонду і ўзгодненых дзеянняў пры тушэнні лясных пажараў.

"Маніторынг ляснога фонду з дапамогай бартоў ДААСУ "Авіяцыя" застаецца эфектыўным метадам выяўлення і тушэння лясных пажараў", – заявілі ў Мінлясгасе.

Найбліжэйшым часам два ведамствы акрамя дакладных маршрутаў авіяпатрулявання плануюць таксама прапрацаваць меры выкарыстання зліўных прыстасаванняў пры тушэнні пажараў. Для цяжкадаступнай мясцовасці плануецца задзейнічаць барты МНС.