Defense Express: Украінскія дроны ўскладнілі забеспячэнне групоўкі РФ у Сірыі

УСУ прымусілі РФ ганяць караблі з вайсковымі грузамі па маршруце 9 тысяч кіламетраў.

Украінскія надводныя дроны ўскладнілі забеспячэнне групоўкі РФ у Сірыі. Як паведамляе Defense Express, РФ пакуль не рызыкуе вазіць Чорным морам узбраенне ў або з Сірыі і робіць крук праз Атлантыку.

Гаворыцца, што адбылося гэта, дзякуючы паспяховым атакам марскіх дронаў-камікадзэ. УСУ ўдалося значна ўскладніць РФ забеспячэнне сваёй групоўкі ў Сірыі. Пра гэта сведчаць маршруты расейскіх грузавых караблёў "Абароналагістыка": "Sparta IV" і "Ursa Major", якія традыцыйна выкарыстоўваюцца мінабароны РФ з гэтай мэтай.

Як адзначае выданне, раней расейскія караблі перасоўваліся з базы ВМФ РФ у сірыйскі порт Тартус кароткім маршрутам - праз Басфор і Чорнае мора. Даўжыня маршруту складала 2,5 тысячы кіламетраў. Аднак зараз караблі накіроўваюцца праз усё Міжземнае мора, "абыходзяць" вакол Еўропы па Атлантыцы для таго, каб дабрацца да Балтыйскага мора па маршруце блізу 9 тысяч км.

Акрамя таго, гэтыя караблі ідуць з танкерам Yaz, а канвой, як мінімум у Міжземным моры, суправаджаў фрэгат ЧФ РФ праекта 11356Р Адмірал Грыгаровіч, што цалкам ліквідуе ўсе сумневы ў мэтах такіх канвояў. Аб гэтым піша ItaMilRadar, які факусуецца на ўдасканаленьні вайсковай авіяцыі і караблёў”, - гаворыцца ў публікацыі.

Са звестак аўтараў, такія змены адбыліся нядаўна, таму што яшчэ ў ліпені 2023 года расейскія караблі грузіліся ўзбраеннем у Новарасійску і ішлі ў Сірыю. Напрыклад, была зафіксаваная загрузка судна "Sparta IV" артылерыйскімі сістэмамі, якое пасля накіравалася ў Тартус.

Адзначаецца, што цяпер, паводле звестак MarineTraffic, "Sparta IV" і "Ursa Major" знаходзяцца ў Паўночным моры, прайшоўшы Ла-Манш. Партамі прыбыцця для караблёў з'яўляецца Балтыйск у Калінінградскай вобласці РФ і Санкт-Пецярбург адпаведна.

"Таксама варта разумець, што акрамя транспартавання ваенных грузаў у Сірыю гэтыя расейскія караблі цалкам могуць і вывозіць узбраенне з Сірыі", – акцэнтуе Defense Express.