Камітэт ААН заклікаў беларускія ўлады тэрмінова надаць медыцынскую дапамогу Паліне Шарэндзе-Панасюк

І пачаў разгляд яе справы.

Камітэт ААН па ліквідацыі дыскрымінацыі ў дачыненні да жанчын пачаў разглядаць сітуацыю вакол пераследу актывісткі грамадзянскай кампаніі «Еўрапейская Беларусь», палітзняволенай Паліны Шарэнды-Панасюк. Камітэт заклікаў беларускія ўлады тэрмінова надаць медыцынскую дапамогу вязніцы сумлення. Пра гэта сайту Charter97.org паведаміў яе муж, актывіст «Еўрапейскай Беларусі» Андрэй Шарэнда.

«Пасля разгляду вашых матэрыялаў Камітэт, дзейнічаючы праз сваю Рабочую групу па індывідуальных паведамленнях, пастанавіў накіраваць запыт аб ужыванні часовых захадаў у адпаведнасці з артыкулам 5 Факультатыўнага пратакола, у якім дзяржаве-ўдзельніцы было прапанавана ўжыць тэрміновыя захады для надання комплекснай і належнай медыцынскай дапамогі спадарыні Паліне Шарэндзе-Панасюк, а таксама забяспечыць захаванасць яе жыцця, фізічнай і псіхічнай недатыкальнасці, пакуль яе справа знаходзіцца на разглядзе», - гаворыцца ў паведамленні Камітэта.