«Прыйшоў дадому з начной змены і ўбачыў у дзвярах паперку»

Беларусаў працягваюць масава выклікаць на вайсковыя зборы.

З 11 сакавіка Узброеныя сілы Беларусі праводзяць праверку баявой гатоўнасці. У сувязі з гэтым пачалі прызыў вайсковаабавязаных з запасу.

- Сёння раніцай прыйшоў з начной змены і ўбачыў у дзвярах гэтую паперчыну, - паведаміў падпісант тэлеграм-каналу «Баста!».

Крыху не па сабе нават стала, калі разгледзеў яе. Я і так замяняю траіх людзей, а зараз пайду і ўвогуле не ведаю, як і што будзе. Цікава, калі не пайду, што будзе за гэта?