Крамлёўскія прапагандысты распісаліся ў бездапаможнасці СПА РФ

І растлумачылі жыхарам Белгародскай вобласці, чаму іх не могуць прыкрыць з паветра.

Расейскія прапагандысты патлумачылі жыхарам Белгародскай вобласці, што хвалёная СПА дзяржавы-агрэсаркі не абароніць іх. Заявілі, што краіна вялікая, таму шчыльную абарону стварыць немагчыма, піша obozrevatel.com.

Так прапагандысты Міхаіл Цімашэнка і Віктар Баранец патлумачылі няздольнасць расейскай СПА супрацьстаяць тым выклікам, з якімі сутыкаецца краіна. У эфіры радыё «Комсомольская правда» жыхар Белгародшчыны спытаў, чаму амерыканскія авіяносцы абароненыя больш надзейна, чым іх рэгіён.

«Эксперты» грэбліва адказалі жыхару Белгародскай вобласці, што ўсё гэта ўжо тлумачылася.

«Сто раз тлумачылі, тлумачым у сто першы. Памеры краіны такія, што стварыць адзіную прастору 100% перахопу немагчыма. Больш за тое, сістэмы СПА яны затуляюць, а не абараняюць, гэта не браня. Таму СПА мае ачаговы характар, аб'ектавы», - сказаў Цімашэнка.