Дзяржаўны памежны камітэт расказаў аб сітуацыі з чэргамі на мяжы з ЕЗ
- 10.04.2024, 10:03
- 2,704
Чэргі легкавікоў скараціліся, а аўтобусы ўсё стаяць.
У чэргах на выезд з Беларусі з краінамі Еўразвяза прастойвае 210 легкавікоў 40 аўтобусаў. Пра гэта сведчаць звесткі маніторынгу Дзяржаўнага памежнага камітэта.
На 08.00 10 красавіка, у пункце пропуску "Берасце" выезду з Беларусі чакае 150 аўтамабіляў і 40 аўтобусаў.
На літоўскім кірунку стаіць 60 легкавікоў: 40 — у "Каменным Логу" і 20 — у "Беняконях". На выезд у Латвію чэргаў не назіраецца.
Акрамя таго, у чэргах у пунктах пропуску прастойвае 2 420 грузавікоў: 840 - у "Беняконях", 780 - у "Каменным Логу" і 800 - у "Грыгароўшчыне" (Латвія).