Украіна атрымала ад Нямеччыны новую партыю вайсковай дапамогі
6- 10.04.2024, 14:03
- 6,558
Што туды ўвайшло?
У сераду, 10 красавіка, ва Украіну была дастаўленая новая партыя вайсковай дапамогі ад Нямеччыны.
Пра гэта сведчаць звесткі на сайце ўрада ФРГ.
Ва Украіну даставілі:
гусенічную машыну падвышанай праходнасці Warthog (усяго: 10);
6 тысяч боепрыпасаў калібру 155 мм (са складоў Бундэсвера і прамысловасці) (усяго: 74 000);
16 выведвальных беспілотнікаў VECTOR з запчасткамі (усяго: 212);
30 выведвальных беспілотнікаў RQ-35 HEIDRUN (усяго: 215);
30 падаўжальнікаў частотнага дыяпазону для сродкаў барацьбы з беспілотнікамі* (усяго: 70);
два танкі размініравання WISENT 1 з запчасткамі (усяго: 34);
11 мабільных, дыстанцыйна кіраваных і абароненых сістэм размінавання (усяго: 20);
тры мінныя плугі (усяго: 46);
70 цеплавізараў (усяго: 400);
24 маторы;
1 млн боепрыпасаў для агнястрэльнай зброі (з запасаў Бундэсвера і прамысловасці) (усяго: 47885 млн);
680 штурмавых вінтовак MK 556 (усяго: 985);
50 высокадакладных вінтовак HLR 338 з боекамплектам 60 тысяч патронаў (усяго: 65);
105 вінтовак CR 308 (усяго: 120).
Ваенная дапамога Нямеччыны для Украіны - што вядома
28 сакавіка Нямеччына абнавіла спіс ваеннай дапамогі, якая выдаецца Украіне. Туды ўвайшлі боепрыпасы для танкаў Leopard, боепрыпасы, а таксама выведвальныя дроны.
Акрамя таго, урад Нямеччыны заявіў, што ў будучыні плануе перадаць Украіне 20 БМП Marder, адну гусенічную машыну падвышанай праходнасці Warthog, 70 інфрачырвоных камер і яшчэ ракет да ЗРК Patriot.
З пачатку поўнамаштабнага ўварвання Расеі Нямеччына дала Украіне матэрыяльна-тэхнічную дапамогу на суму каля 5,2 мільярда еўраў. Акрамя таго, больш за 10 тысяч украінскіх салдат прайшлі вайсковую падрыхтоўку ў Нямеччыне.
На сёння выдаткі на гэтую падрыхтоўку складаюць блізу 282 мільёна еўраў. Іншыя выдаткі былі таксама накіраваныя на лячэнне параненых украінскіх салдат.