Столтэнбэрг: Удары Украіны па вайсковых мэтах на тэрыторыі Расеі законныя

Гэта частка права на самаабарону.

Генеральны сакратар NATO Енс Столтэнбэрг у сераду, 10 красавіка, заявіў, што ўдары Украіны па вайсковых цэлях на тэрыторыі РФ абсалютна законныя.

Падчас брыфінгу з прэзідэнтам Фінляндыі Аляксандрам Стубам Столтэнбэрг заявіў, што Украіна мае права на самаабарону.

«Украіна мае права наносіць удары па законных вайсковых цэлях за межамі тэрыторыі гэтай краіны, каб абараніць сябе», - сказаў ён.

Напярэдадні кіраўнік Пентагона Лойд Осцін заявіў, што Украіне варта засяродзіцца на атаках па цэлях, якія маюць непасрэдны ўплыў на сітуацыю на фронце, замест удараў па расейскіх нафтаперапрацоўчых заводах.