Кіраўнік МЗС Літвы: Нафтабазы нацысцкай Нямеччыны былі ваеннай цэллю
15- 10.04.2024, 20:57
- 5,900
Габрыелюс Ландсбергіс далучыўся да дыскусіяў, ці варта Украіне атакаваць НПЗ РФ.
Міністр замежных справаў Літвы Габрыелюс Ландсбергіс далучыўся да дыскусіяў, ці варта Украіне атакаваць расейскія нафтаперапрацоўчыя заводы.
Ландсбергіс звярнуўся да гісторыі, нагадаўшы, як хаўруснікі падчас Другой сусветнай вайны атакавалі нафтабазы нацысцкай Нямеччыны.
«Падчас Другой сусветнай вайны хаўруснікі разбамбілі нафтавыя сховішчы нацысцкай Нямеччыны як першачарговую ваенную цэль. Гэта ўвесь твіт», – напісаў ён, намякаючы, што падтрымлівае атакі на расейскія НПЗ.
In WWII the Allies bombed Nazi Germany's oil depots as a high priority military target. That's the tweet. pic.twitter.com/nFjKEbsbLp
— Gabrielius Landsbergis🇱🇹 (@GLandsbergis) April 10, 2024
Генеральны сакратар NATO Енс Столтэнберг заявіў, што Украіна як краіна, якая абараняецца ад агрэсіі, мае права наносіць удары па «легітымных ваенных цэлях» за сваімі межамі.
Міністр абароны ЗША Лойд Осцін нядаўна крытычна выказаўся пра такія ўдары, паставіўшы пад сумнеў іх уплыў на ход вайны.
