УСУ паказалі відэа адбіцця варожага штурму ў наваколлях Аўдзееўкі

Працавала Трэцяя асобная штурмавая брыгада.

Украінскія байцы з Трэцяй асобнай штурмавой брыгады паказалі, як перашкодзілі штурму расейцаў недалёка ад Аўдзееўкі.

Пра гэта паведамляе Telegram-канал Трэцяй штурмавой.

Як расказалі ў брыгадзе, расейскія захопнікі былі накрытыя зграяй ударных дронаў. У гэты момант расейцы рабілі спробу штурмавых дзеянняў у наваколлях Аўдзееўкі.

«Байцы разабралі ўшчэнт будынкі, у якіх хаваўся вораг, дагналі і знішчылі тых, хто хацеў уцячы», – гаворыцца ў паведамленні.

У Трэцяй штурмавой расказалі, што ліквідавалі ворага з дапамогай дрона «Revenge Group».