Сёння адзначаецца Міжнародны дзень братоў і сясцёр

Традыцыя свята прыйшла з ЗША.

Міжнародны дзень братоў і сясцёр адзначаецца 10 красавіка.

Свята было заснаванае ў ЗША ў 1998 годзе, ягонай ідэйнай натхняльніцай называюць Клаўдыю Эварт.

У раннім узросце яна страціла брата і сястру і перажывала з гэтай нагоды. У памяць пра іх Клаўдыя арганізавала правядзенне свята, а ў якасці даты выбрала дзень народзінаў сваёй сястры – 10 красавіка. Тым самым Клаўдыя заклікала шанаваць блізкіх і клапаціцца пра іх.

Сёння гэтае свята адзначаецца ў многіх краінах. У гэты дзень людзі па ўсім свеце дораць падарункі братам і сёстрам, сустракаюцца ў кавярнях або ў сямейным коле дома.