Ва Украіне ліквідавалі важнага прапагандыста Крамля

Што вядома.

Украінскія вайскоўцы працягваюць знішчаць расейскіх прапагандыстаў. Гэтым разам быў забіты рупар Крамля Яўген Палаводаў.

Пра гэта паведамілі расейскія СМІ. Адзначаецца, што ён з'яўляўся маёрам прэс-службы мінабароны РФ, піша obozrevatel.com.

«Сёння падчас абстрэлу, пад які патрапіла група «Весткі Луганска», быў смяротна паранены наш таварыш, маёр прэс-цэнтра войскаў «Захад» Жэня Палаводаў», - паведаміў прапагандыст Аляксандр Коц.

Ён адзначыў, што разам з забітым яны здымалі не адзін рэпартаж у Харкаўскай вобласці і «працавалі» ў самых гарачых кропках пад Ізюмам.

Акрамя таго, паведамляецца, што яшчэ двое прапагандыстаў Арцём Юндас і Дзяніс Шум атрымалі раненні.

Яўгену Палавадаву было 33 гады. Ён ураджэнец Брацкай Іркуцкай вобласці РФ. У 2013 годзе скончыў Варонежскі дзяржаўны ўніверсітэт па спецыяльнасці «Піяр». З 2015 года - афіцэр аддзела інфармацыйнага забеспячэння ў Варонежы. У 2021 годзе выконваў спецыяльныя заданні ў Сірыі. З першых дзён так званай СВА арганізаваў працу «журналістаў» у складзе прэс-цэнтра Заходняй групоўкі войскаў РФ.