Forbes: УСУ зладзілі танкавую пастку на ключавым мосце каля Часовага Яра

Расейская тэхніка гарыць.

Праз восем тыдняў пасля захопу руін Аўдзееўкі расейскія акупацыйныя войскі нацэліліся на горад Часаў Яр. Страта гэтага горада можа расчысціць супраціўніку шлях для маршу на захад.

Аналітычная група Frontelligence Insight, якую цытуе Forbes, адзначала, што гэта "можа мець жудасныя наступствы, паколькі забяспечыць прамы шлях для прасоўвання расейскага войска да ключавых гарадоў". Менавіта таму ўзмацненне расейскіх наступаў на гэтым адцінку так трывожыць украінцаў і супольнікаў, а паспяховыя контратакі Сіл абароны - натхняюць.

Узброеныя сілы Украіны ўстанавілі танкавую пастку на адным з ключавых скрыжаванняў за межамі Часовага Яра. Яна ахоплівае вузкае месца для расейскіх войскаў, якія вылучаюцца са сваёй перадавой базы ў акупаваным Іваноўскім. Гэтым вузкім месцам з'яўляецца мост на дарозе Т-0504, які цягнецца на захад ад Іваноўскага і праз лес у паўднёвыя раёны Часавага Яра.

Як адзначаецца, калі захопнікі з 11-й дэсантна-штурмавой брыгады змогуць перабрацца праз мост, яны могуць схавацца ў лесе і дабрацца да Часовага Яра, маючы маскіроўку ад БПЛА і артылерыі.

Байцы УСУ з 42-й і 67-й механізаваных брыгад і сумежных падраздзяленняў, засяродзіўшы дастаткова агнявой моцы на мосце, могуць заблакаваць расейскія штурмы паўднёвага Часовага Яра да таго, як тыя дасягнуць абароны дрэў. Пакуль гэта ўдаецца і расейцы зазнаюць паразу.

Учора ўкраінскія абаронцы падбілі прынамсі адну расейскую баявую машыну БМП, калі яна пераходзіла праз мост. Корпус разбітай тэхнікі далучылася да карпусоў некалькіх іншых згарэлых расейскіх машын у танкавай пастцы і вакол яе.

«Дарога, якая злучае Часаў Яр і Бахмут, мае некалькі мастоў праз водны канал. Пры правільным падыходзе і правільным размеркаванні рэсурсаў Часаў Яр патэнцыйна можа стаць вельмі сур'ёзнай перашкодай для прасоўвання расейскіх войскаў», - адзначылі ў Frontelligence Insight яшчэ ў панядзелак.

Аднак пакуль незразумела, ці маюць Сілы абароны Украіны неабходныя для гэтага рэсурсы, бо рэспубліканцы ўсё яшчэ не далі ЗША перадаць Украіне такую неабходную дапамогу.

Хаця кожная спроба каштуе расейцам тэхнікі, украінцы спрабуюць знішчыць гэты мост, каб сябе засцерагчы. Аднак гэтая маленькая і трывала пабудаваная цэль. У сярэдзіне моста ёсць варонка ад удару, які, магчыма, ажыццявілі УСУ.

Прыкладна 2 красавіка вайскоўцы прымацавалі выбухоўку да аўтамабіля з дыстанцыйным кіраваннем і закацілі яго ў кратар перад тым, як падарваць выбухоўку. Нягледзячы на гэта, мост ацалеў.