Лукашэнка паляцеў у Расею

І прыхапіў з сабой касманаўтку Васілеўскую.

Лукашэнка паляцеў з працоўным візітам у Расейскую Федэрацыю, паведамляе ягоная прэс-служба. Раней гэты візіт не анансавалі.

Пуцін і Лукашэнка «абмяркуюць тэматыку развіцця супрацоўніцтва дзвюх краін у розных сферах, пытанні, якія патрабуюць разгляду на вышэйшым узроўні. У цэнтры ўвагі на перамовах таксама будзе рэгіянальная і міжнародная абстаноўка, каардынацыя дзеянняў у рэагаванні на наяўныя выклікі і пагрозы».

12 красавіка ў Аляксандра Лукашэнкі і Уладзіміра Пуціна плануецца супольнае мерапрыемства з нагоды Дня касманаўтыкі.

Разам з Лукашэнкам паляцела касманаўтка Марына Васілеўская, якой сёння дыктатар прысвоіў годнасць Героя Беларусі.