У менскім шматпавярховіку абрынуўся бетонны брыль пад'езда

Фотафакт.

У менскім шматпавярховіку абрынуўся бетонны брыль пад'езда. На шчасце, ніхто з людзей не пацярпеў.

Як паведамляе БелТА, здарэнне адбылося 11 красавіка на Ангарскай, 80 у чацвёртым пад'ездзе. Камунальныя службы праводзяць праверку, створаная камісія для расследавання прычын здарэння. Ужо пачаліся рамонтныя работы.

Адначасова спецыялісты абследуюць брылі іншых сямі пад'ездаў дома. Вядома, што дом нядаўна быў на капітальным рамонце. Пасля яго людзі засяліліся напрыканцы лета мінулага года.