У Менску ўпала адно з самых вялікіх дрэваў сакуры

Фотафакт.

З канца сакавіка да пачатку траўня ва ўсім свеце праходзіць фестываль Ханамі – свята цвіцення сакуры. І ў Менску ёсць чатыры пункты, дзе расце сакура. Але адно з самых вялікіх дрэваў сакуры ў Менску – у садзе Надзеі на вуліцы Прытыцкага, упала, піша «Смартпрэс».

«Дрэва яшчэ жывое, на ім нават ёсць бутоны кветак, але наўрад ці яго атрымаецца захаваць», – піша выданне.

Тры з чатырох месцаў цвіцення сакуры ў Менску бясплатныя для наведвання: сад Надзеі на вуліцы Прытыцкага, «Парк Дружбы народаў» з боку храма і Сэндайскі сквер каля Музычнага тэатра. У Батанічным садзе сакуры ўжо квітнеюць, уваход платны.