«Яна стала каламутнага жоўтага колеру»: што за дзівацтвы з вадой у менскай «Новай Баравой»?

У чатах мікрараёна неспакойна.

У чатах «Новай Баравой» у Менску неспакойна: пару дзён таму жыхары мікрараёна сталі дасылаць дзясяткі паведамленняў аб тым, што вада з крана стала падобная на дажджавую ваду ў лужыне.

- Вада пачала пагаршацца блізу тыдня таму. 16 красавіка, калі яе колер стаў жоўта-карычневы, нам паведамілі, што піць ваду не варта, - піша «Онлайнеру» адна з чытачак.

Са слоў жыхароў «Новай Баравой», у дыспетчарскай «Менскводаканала», на балансе якога знаходзіцца мікрараён, разводзяць рукамі і не гавораць пра якую-небудзь аварыю.

- Адказ быў адзін: з іх боку паломак няма, разбірайцеся з забудоўшчыкам. Пры гэтым жыхары «Новай Баравой» працягвалі піць, ужываць у ежу, мыцца вадой і рызыкаваць здароўем, - кажа чытач.

Паводле ягоных слоў, навасельцы не раз звярталіся ў абслуговую арганізацыю: «Адказвалі, што пажарная частка ў Копішчы злівае ваду, прамывае абсталяванне, таму пакутуе пітная вада. Акрамя таго, былі дасылкі на тое, што гэта проста аварыя».

- Незразумела, што мы спажываем. Ніхто толкам нічога не гаворыць. Дэвелапер адсылае да «Менскводаканала». «Менскводаканал» сцвярджае, што з іх боку «ўсё ў парадку». Праблема не развязваецца, - кажа чытач.

«На фота - магістральны фільтр, які замянілі адзін дзень таму», - піша чытач

Мы звярнуліся ў А-100, але ў кампаніі сказалі, што сеткі эксплуатуе «Мінскводаканал».

Дарэчы, на сайце сайце «Мінскводаканала» няма інфармацыі аб працах, якія праводзяцца, ці аварыі. Адправілі запыт у арганізацыю з просьбай высветліць сітуацыю, як толькі атрымаем адказ, адразу яго апублікуем.