Атака на Джанкой: з'явіліся кадры знішчанага расейскага ЗРК С-400 «Трыумф»

Удар мог быць нанесены ATACMS.

Пасля выбухаў у Джанкоі (часова акупаваны Крым) у сетцы з'явілася фотапацвярджэнне пашкоджанай і знішчанай тэхнікі супрацьпаветранай абароны краіны-агрэсаркіРФ.

Ракеты дасталі яе ў раёне ваеннага аэрадрома 39-га гелікаптэрнага палка 4-й арміі ВПС і СПА (в/ч 46453) супраціўніка.

Telegram-канал "Дасье Шпіёна" паведаміў, што (на 14:30 серады, 17 красавіка) яму было вядома пра падбітыя С-400 і, верагодна, С-300 акупацыйнага войска Расейскай Федэрацыі. У сацсетках пачаў распаўсюджвацца здымак знішчанага ЗРК С-400 "Трыумф".

Са звестак аўтара ананімнага Telegram-канала, па вайсковым аб'екце расейцаў у акупаваным Джанкоі ўдарылі дзве тактычныя балістычныя ракеты MGM-140 ATACMS.

Першы прылёт прыйшоўся па пазіцыях зенітнага ракетнага комплексу С-400 "Трыумф". Знішчана тры пускавыя ўстаноўкі і радыёлакацыйную станцыю.

Другі - па пункце прыёму і рамонту вайсковай тэхнікі 77-й зенітнай ракетнай брыгады (в/ч 33742, месца базавання - Краснадарскі край краіны-агрэсара). У момант удару ў пункце на абслугоўванні знаходзіліся дзве пускавыя ўстаноўкі С-300 (неўстаноўленай мадыфікацыі). Таксама з прычыны ўдару на пункце адбылася другасная дэтанацыя боепрыпасаў.

Раніцай 17 красавіка аўтару “Дасье шпіёна” паступілі дадзеныя аб мінімум 15 параненых і 22 без вестак зніклых акупантах. Інфармацыя ўдакладняецца.