Ізраільскі экспарт у Расею ўпаў амаль у паўтара раза

Ва Украіну, наадварот, падскочыў удвая.

Ізраільскі экспарт у Расею ўпаў амаль у паўтара раза. Пра гэта паведаміла 18 красавіка ЦСБ, падводзячы вынікі міжнароднага гандлю Ізраіля ў першым квартале 2024 года. Таварны экспарт ва Украіну, наадварот, падскочыў удвая, пішуць "Дэталі".

Сярод іншага паведамляецца, што ў студзені-сакавіку гэтага года аб'ёмы таварнага экспарту з Ізраіля ў Расею скараціліся са 187 да 130 мільёнаў даляраў. Значна зменшыліся і аб'ёмы імпарту - з 47 да 37 мільёнаў. Экспартныя ж пастаўкі ва Украіну падскочылі з 17 да 34 мільёнаў даляраў.

Значна скараціліся і аб'ёмы гандлю з Турцыяй. Ізраільскі экспарт у гэтую краіну ў першым квартале зменшыўся на 12% у параўнанні з першым кварталам мінулага года, а імпарт з Турцыі ў Ізраіль упаў на 18%. Няцяжка выказаць здагадку, што пасля ўведзеных Турцыяй у пачатку красавіка абмежаванняў на экспарт у Ізраіль, гэтыя паказчыкі яшчэ больш знізяцца.

З прадстаўленых звестак вынікае, што Еўропа - значна больш значны гандлёвы партнёр Ізраіля, чым краіны Амерыкі. У першым квартале на дзель еўрапейскіх краін прыпала 38% ізраільскага таварнага экспарту ў параўнанні з 30% - у краіны амерыканскага кантынента. Яшчэ больш значныя звесткі пра імпарт: 47% з Еўропы, і толькі 13% - з амерыканскіх краін.