Гендырэктара «Белшыны», якога арыштавалі ў Беларусі, бачылі ў Расеі

Будзе будаваць грузавы порт у Мурманску.

У Расеі пачынаюць будаўніцтва вялікага тэрмінала для перавалкі грузаў, якія вырабляюцца на тэрыторыі Беларусі. Адпаведную дамову 22 красавіка падпісалі губернатар Мурманскай вобласці Андрэй Чыбіс і прадстаўнікі кампаніі «Марскі тэрмінал «Вароты Арктыкі» на чале з генеральным дырэктарам Андрэем Бунаковым. Пра гэта паведаміла прэс-служба ўрада Мурманскай вобласці.

Андрэй Бунакоў - гэта былы гендырэктар беларускай «Белшыны», які 14 лютага 2023 года быў змешчаны ў СІЗА. Яго арыштавалі за тое, што ён падпісаў кантракт з партнёрамі з Расеі на продаж буйнагабарытных шын, аднак ніжэй за сабекошт.

Аб прысудзе яму не паведамлялася, як і аб тым, што яго выпусцілі.

Кампанія «Марскі тэрмінал «Брама Арктыкі» была зарэгістраваная 1 красавіка 2024 года ў Мурманскай вобласці. Яе статутны капітал - 180 мільёнаў расейскіх рублёў. Уладальнікі гэтай расейскай кампаніі - грамадзянка Беларусі Нэлі Малярова (ёй належыць 1%) і арганізацыя «Лагістык Энэрджы» (99%).

Тым часам пра «Лагістык Энэрджы» вядома, што яна летась увайшла ў топ-10 лагістычных кампаній Беларусі. Кампанія зарэгістраваная ў Менску. Паводле звестак Адзінага дзяржаўнага рэгістра юрыдычных асоб і ІП, арганізацыя «Лагістык Энэрджы» на 100% належыць Нэлі Маляровай.

Дадамо, што на сайце ўсерасейскай сістэмы праверкі контрагентаў ёсць інфармацыя аб тым, што кампанія «Лагістык Энэрджы» і Нэлі Малярова не толькі ўважаюцца як яе ўладальнікі, але і як заснавальнікі, якія далі статутны фонд.

Журналістка «Зеркала» патэлефанавала Малецкаму, назваўшыся карэспандэнткай расейскага выдання, і задала некалькі пытанняў пра Бунакова, а таксама спытала, як з ім можна звязацца.

Пасля гэтых пытанняў Малецкі сказаў «вы не туды патрапілі» і паклаў слухаўку, хоць на «Марат Іванавіч» не пярэчыў.

Адзначым таксама, што ў абедзвюх кампаній няма сайтаў, чым займаецца «Лагістык Энэрджы», невядома.