Лукашэнка панічна баіцца вызвалення Беларусі войскамі NАТО

«Першым будуць вызваляць Кобрынскі раён».

Лукашэнка падчас выступу на так званым УНС распавёў пра сцэнар, якога ён панічна баіцца. Дыктатар заявіў, што беларускія добраахвотнікі "рыхтуюцца зайсці ў Беларусь, абвясціць там сваю ўладу і звярнуцца да NАТО ":

— Не ведаю чаму выбралі Кобрынскі раён... ён жа не ля самай мяжы... хочуць захапіць, аб'явіць уладу, звярнуцца ў NАТО, увесці войскі. Першымі будуць ісці «дэмакратычныя сілы», другой шэрагам - войскі NАТО.

Таксама дыктатар заявіў, што амерыканцы рыхтуюць беларускае вызваленчае войска:

— Яго аснову павінны скласці полк Каліноўскага і іншыя добраахвотніцкія фармаванні, Беларускі добраахвотніцкі корпус.

Лукашэнка сказаў, што аперацыя нібыта праходзіць паводле таго ж сцэнару, што і нядаўнія рэйды ў Белгарадскую вобласць.

Таксама на так званым УНС старшыня КДБ Іван Церцель заявіў, што ў «Літве і Польшчы вырабляюць дроны для нападаў на крытычна важныя аб'екты Беларусі», а яго ведамства нібыта папярэдзіла «ўдар беспілотнікаў па Менску»:

- Удары павінны былі наносіцца з тэрыторыі Літвы па аб'ектах у Менску і ў яго прадмесцях.

У канцы так званае УНС зацвердзіла "новую канцэпцыю бяспекі Беларусі".

Дакумент прадугледжвае "ўмацаванне калектыўнай бяспекі" з Расеяй і чальцамі АДКБ.