У Вілейскім раёне кіроўца тараніў аўтамабіль ДАІ

Яго затрымлівалі са стральбой.

У Вілейскім раёне кіроўцу без пасведчання затрымлівалі са стральбой. Ён тараніў аўто ДАІ.

Кіроўца Toyota праігнараваў сігнал сілавікоў аб спыненні і, пашкодзіўшы службовае аўто сілавікоў, працягнуў рух.

Падчас пагоні парушальнік не падпарадкоўваўся патрабаванням аб спыненні і віляў з боку ў бок.

ДАІ ўжыла табельную зброю. Супрацоўнік інспекцыі зрабіў два папераджальныя стрэлы ў паветра і некалькі прыцэльных, пашкодзіўшы кола.