Бяспраўніка пад Вілейкай затрымлівалі са стралянінай

Відэа.

Нецвярозы кіроўца на Toyota ганяў па Вілейскім раёне і ігнараваў патрабаванні ДАІ спыніцца, у выніку яго давялося затрымліваць са стралянінай. Пра гэта карэспандэнту БЕЛТА паведамілі ў прэс-службе МУС Беларусі.

Інцыдэнт адбыўся 24 красавіка блізу восьмай гадзіны вечару. Пра дзіўныя паводзіны кіроўцы аўтамабіля ў міліцыю паведамілі відавочцы. Калі супрацоўнікі ДАІ знайшлі машыну, інспектар падаў сігнал аб спыненні. Аднак кіроўца паспрабаваў уцячы, пашкодзіўшы пры гэтым аўтамабіль ДАІ, што, зрэшты, не перашкодзіла пагоні.

Кіроўца прадаўжаў ігнараваць патрабаванні аб спыненні, моцна віляў на дарозе і тым самым ствараў пагрозу, таму было пастаноўлена ўжыць табельную зброю.

«Інспектар зрабіў два папераджальныя стрэлы ў паветра і некалькі прыцэльных, пашкодзіўшы кола. Кіроўцу затрымалі», – расказалі ў МУС.

Высветлілася, што парушальнік – 37-гадовы мясцовы жыхар. Агляд паказаў амаль два праміле. Высветлілася таксама, што ён ніколі не атрымліваў правоў кіроўцы, але пры гэтым раней змушаўся да адміністрацыйнай адказнасці за кіраванне аўтамабілем у нецвярозым выглядзе.

На мужчыну склалі дзевяць пратаколаў і змясцілі ў ІЧУ. Яму пагражае штраф памерам 200 базавых велічыняў (восем тысячаў рублёў).