Літоўская мытня забрала ў беларуса BMW за €41 тысячу

Ён мог перавозіць яго для продажу ў РФ.

Літоўскія мытнікі затрымалі аўтамабіль BMW 730 LDxDrive, якім кіраваў беларус.

Аўто арыштавалі, бо падумалі, што ён пераганяе машыну не для сябе – а значыць, яго дзейнасць падпадае пад санкцыі ЕЗ, паведамляе Мытная служба Літвы.

Яго кошт – 41 000 еўраў.

Беларус паведаміў мытнікам, што вязе аўтамабіль з адной з краінаў ЕЗ для асабістага карыстання. Аднак пры праверцы супрацоўнікі мытні засумняваліся ў ягонай праўдзівасці: яны западозрылі, што перагон аўтамабіляў – гэта бізнэс беларуса.

У Мытнай службе Літвы адзначылі, што беларусу пагражае штраф і канфіскацыя машыны. У літоўскай установе падкрэслілі, што аўтамабіль не з'яўляецца аб'ектам санкцый, але вось перавозка тавараў беларусамі і беларускімі кампаніямі ў камерцыйных мэтах праз тэрыторыю ЕЗ падпадае пад абмежаванні.