«Проста пачніце размаўляць па-беларуску»
9- 29.04.2024, 17:03
- 12,968
Дзяўчына падзялілася арыгінальным спосабам «пазбегнуць праблем» ва ўсходнім рэгіёне Беларусі.
Карыстальніца TikTok «Мiкразелянiна» падзялілася парадамі ў паводзінах у выпадку сустрэчы з мядзведзем у лесе. Пачаўшы з гумару, дзяўчына перайшла да сур'ёзных і разумных парад для такой сітуацыі.
«Калі вы сустрэлі мядзведзя ва ўсходнім рэгіёне краіны, проста пачніце размаўляць з ім па-беларуску. Мядзведзь стане на заднія лапы і пачне прасіць вас размаўляць на расейскай, а то ён нічога не разумее», - пажартавала аўтарка ў пачатку свайго відэа.
Затым яна дадала: «Тады падбягаеце да яго і пачынаеце казытаць пузік, ён падае на зямлю, пачынае смяяцца і вы спакойна сыходзьце».
Пасля кароткага гумарыстычнага ўступлення беларуска дала некалькі сапраўды важных і карысных парад. Напрыклад, калі вы баіцеся сустрэць мядзведзя, проста размаўляйце гучна, спявайце ці смейцеся - гэтыя гукі адпудзяць жывёліну.
«Калі хадзіць па лесе, гучна размашляць і спяваць, то могуць напасці санітары», – з іроніяй заўважыў адзін з карыстальнікаў у каментарах.
@mikrazielanina Ці сустракаліся вы з дзікімі жывёламі ў лесе? 👀 #беларускіцікток #беларусь #медведь #лес ♬ оригинальный звук - Мікразеляніна 🌱