Беларусаў адправяць у РФ будаваць БАМ

На будоўлю адправяць 50 студэнтаў.

На дзяржаўнай тэлевізіі беларускую моладзь агітавалі ўступаць у студатрады.

Камандзірка студэнцкага педагагічнага атрада Аліна Васільева расказала, што сёлета беларускія студэнты адправяцца на будаўніцтва БАМ.

«50 студэнтаў, якія адправяцца ў Расею на Байкала-Амурскую магістраль, - сапраўды, конкурс вялікі быў. На іх ускладаецца вялікая надзея, у іх вельмі вераць, падтрымлівае ўся краіна, усе студэнцкія атрады. Мы ведаем, напэўна, літаральна кожнага, хто паедзе, таму што ганарымся і верым, што яны пакажуць сапраўды годны ўзровень у Расейскай Федэрацыі», - заявіла студэнтка.