Капрамонт у Менску закранае яшчэ адзін пуцеправод

Як цяпер ехаць.

Дзяржаўтаінспекцыя папярэдзіла менчукоў аб пачатку капітальнага рамонту пуцеправода па вул. Даўгабродскай.

Першы яго этап пачнуць ужо ўначы 2 траўня.

Паведамляецца, што рамонт закране пуцеправод на скрыжаванні вул. Даўгабродскай, Ванеева і Ваўпшасава.

А часовае абмежаванне руху тут уводзяць для ўсіх тыпаў транспартных сродкаў у кірунку цэнтра горада.

Актыўныя будаўнічыя работы пачынаюцца 2 траўня а 01:00 і прадоўжацца, як плануецца, да 1 ліпеня 2024 года.

Аб'езд гэтага адцінка магчымы па з'ездах з вул. Даўгабродскай на вул. Ванеева.

ДАІ таксама просіць кіроўцаў загадзя выбіраць найбольш прыдатны маршрут з улікам абставін, а таксама быць вельмі ўважлівымі пры праездзе гэтага адрэзка шляху.

Пуцеправод Маскоўская - Чкалава на рамонце

Цяпер гэты пуцеправод таксама на капітальным рамонце. Работы пачаліся ў ліпені 2023 года. Чакаецца, што летам 2024-га мост увядуць у эксплуатацыю.

Яго даўжыня - 300 м. Канструкцыі сталі слабымі праз ападкі і солі. Таму пры іх дэмантажы дзейнічаюць асцярожна, каб пазбегнуць абвалаў.

Паводле інфармацыі «Гардарбуда», гэты пуцеправод - складаны аб'ект. Усё праз моцны чыгуначны вузел. Чыгунка выдзхяляе часовыя вокны для дэмантажных і мантажных работ усяго - дзве-чатыры гадзіны на дзень.

У 2024 годзе ў Менску таксама запланаваны капрамонт яшчэ некалькіх маставых збудаванняў. Абнаўлення чакаюць пуцеправоды на пр. Жукава над вул. К.Лібкнехта, паміж пр. Незалежнасці і вул. Маскоўскай.