Палітолаг: Лаўрова могуць зняць з пасады

Крэмль спрабуе перакласці на кіраўніка МЗС адказнасць за дыпламатычныя няўдачы.

Расея не спыняе спроб сарваць правядзенне Глабальнага саміту міру, які запланаваны на 15-16 чэрвеня ў Швайцарыі. На саміце, апроч украінскага пытання, будуць прымацца глабальныя пастановы для сусветнага правапарадку, таму РФ спрабуе пераканаць большую колькасць краін праігнараваць мерапрыемства.

Пра гэта ў эфіры тэлеканала FREEДOM распавёў палітолаг Ігар Райтэровіч.

Паводле ягоных слоў, кіраўніцтва РФ разумее, што дэмакратычныя дзяржавы Глабальнага Поўдня, не паддаюцца на правакацыі змяніць іх меркаванне наконт вайны РФ супраць Украіны. Таму ўвага РФ накіраваная на краіны Афрыкі, арабскія краіны, Кітай і т.д.

«З гэтымі краінамі расейцы працуюць дастаткова актыўна. І іх логіка вельмі прымітыўная - яны хочуць, каб як мага менш краін узялі ўдзел у саміце. Каб потым быў аргумент, што ўсе пастановы, якія прымаліся на мерапрыемстве, не падтрымалі палову сусветных краін. Таму і спрабуюць колькасна неяк пераламаць сітуацыю», - растлумачыў палітолаг.

Ён дадаў, што сёння больш за ўсё зацікаўлены ў правядзенні Глабальнага саміту міру менавіта краіны Еўропы.

«Вядома, асноўным пытаннем абмеркавання будзе тэма Украіны. Але не трэба забываць і пра тое, што на саміце будзе абмяркоўвацца будучы светапарадак, які РФ, пачаўшы вайну супраць Украіны, парушыла. Таму адным з пытанняў, якое абмяркуюць краіны-ўдзельніцы саміту - новыя ўмовы суіснавання розных дзяржаў і нацый у свеце. Расея разумее, што гэтае пытанне якраз і будзе разглядацца без яе ўдзелу. Таму і спрабуе ўсяляк сарваць саміт», - дадаў экспэрт.

Са словах Райтэровіча, няўдачы ў перамовах з краінамі Еўропы кіраўніцтва Крамля спрабуе перакласці на плечы міністра замежных спраў РФ Сяргея Лаўрова.

Таму ў новы ўрад Пуціна яго могуць і не запрасіць. Аднак у расейскага дыктатара цяпер няма годных кандыдатаў для таго, каб замяніць Лаўрова.

«Чуткі аб адстаўцы Сяргея Лаўрова хадзілі ўжо вельмі даўно. Адная з прычын, якая называлася - нежаданне самога Лаўрова браць удзел у тым, што сёння адбываецца на дыпламатычным прасторы ў РФ. Акрамя таго, у гаспадара Крамля сёння ёсць пэўная нездаволенасць працай Лаўрова, бо за час вайны супраць Украіны Расея страчвае ў дыпламатычнай сферы. Асабліва няўдалай была праца расейскага дыпламатычнага корпуса з краінамі ЕЗ. Таму, магчыма, Пуцін разглядае пытанне аб адстаўцы Лаўрова. Аднак праблема цяперашняга пуцінскага рэжыму ў тым, што ў яго надзвычай кароткая лава запасных. Кандыдатаў на пасаду Лаўрова няма. Таму мяркуючы пз усяго, Лаўроў усё ж застанецца ў новым урадзе Пуціна», - канстатаваў Ігар Райтэровіч.