ЗША ўвялі санкцыі супраць кампаній Кітая

Пры чым тут загадкавы шар.

У чацвер, 9 траўня, адміністрацыя Джо Байдэна ўвяла дадатковыя гандлёвыя абмежаванні супраць 37 кітайскіх кампаній. Пра гэта паведамляе Reuters.

Сярод прычын такога кроку амерыканцы назвалі, напрыклад, дачыненне кітайскіх арганізацый да інцыдэнту з паветраным шарам, які праляцеў над Злучанымі Штатамі летась.

Паводле некаторых звестак, яго выкарыстоўвалі для шпіянажу за вайсковымі аб'ектамі ЗША. Пралёт «загадкавага» шара ўзмацніў напружанасць паміж Пекінам і Вашынгтонам, якая і да гэтага давала аб сабе знаць.

У Міністэрстве гандлю ЗША таксама заявілі, што дадалі ў спіс некаторыя падраздзяленні China Electronics Technology Group – дзяржаўнай кампаніі КНР, якая спецыялізуецца на вытворчасці сродкаў сувязі, электронікі і праграмнага забеспячэння вайсковага і спецыяльнага прызначэння.

Яна нібы спрабавала атрымаць доступ да амерыканскіх тэхналогій, якія можна было б выкарыстоўваць для развіцця квантавых тэхналогій КНР. Амерыканцаў асабліва непакоіць магчымасць іх ваеннага выкарыстання. З іх слоў, такая дзейнасць «мае сур'ёзныя наступствы для нацыянальнай бяспекі ЗША».