Генерал ЗША назваў прыярытэтныя цэлі для ракет ATACMS і самалётаў F-16

Абмежаванняў па ўдарах няма.

Расейскія штабы, артылерыя і лагістыка на лініі фронту і ў Крыме будуць прыярытэтнымі мэтамі для ракет ATACMS. Украінскі Генштаб знойдзе найлепшыя цэлі для самалётаў F-16. Генерал Бэн Ходжэс, былы камандзір арміі ЗША ў Еўропе, распавёў у інтэрв'ю "РБК-Украіна" падрабязнасці.

Ён адзначыў, што краіна можа выкарыстоўваць ATACMS на сваё меркаванне. Абмежаванняў, паводле ягоных слоў, па ўдарах няма.

Ходжэс адзначыў, што ўкраінскі Генштаб зробіць найлепшы выбар, дзе ракеты будуць скарыстаны, паколькі іх не будзе незлічоная колькасць. На яго думку, трэба ўстанавіць прыярытэт для знішчэння адпаведных цэляў, а гэта могуць быць расейскія штабы, лагістыка і артылерыя.

"Я думаю, што гэта будуць прыярытэтныя цэлі", - сказаў ён.

Генерал заявіў, што дакладны ўдар на вялікую адлегласць - гэта тое, што зробіць Крым непрыдатным для войскаў РФ, іх ВКС і ВМС не змогуць і далей дзейнічаць, таму што амаль уся тэрыторыя Крыма ў межах дасяжнасці гэтых узбраенняў.

Ходжэс не ўпэўнены, што выкарыстанне ATACMS супраць Крымскага моста - найлепшае ўжыванне падобнага ўзбраення. Ён заклікаў выкарыстоўваць гэтыя ATACMS для найлепшага эфекту, каб знішчыць лагістыку, штабы, артылерыю і паветраныя базы.

"Іх трэба было б так шмат, і я думаю, што ўкраінскі Генштаб і генерал Буданаў маюць іншыя планы наконт Керчанскага моста", – заявіў ён.