У Берасцейскім раёне зніклі двое васьмігадовых дзяцей

Яны сышлі з дому ноччу і не вярнуліся.

У Берасцейскім раёне два васьмігадовыя хлопчыкі ноччу пайшлі з дому і прапалі. РАУС Берасця абвесціў іх у вышук.

Дзеці, Кірыл Васілюк і Кірыл Пракапук, сышлі з дому ў аграгарадку Чэрні блізу другой гадзіны ночы 4 траўня. Дзе яны знаходзяцца, невядома. Міліцыя апублікавала прыкметы зніклых.

Кірыл Васілюк: з выгляду блізу 9 гадоў, рост 120 сантыметраў, валасы русыя. Быў апрануты ў бірузовую майку з доўгім рукавом, пры сабе можа мець чорны заплечнік з выявай дыназаўра.

Кірыл Пракапук: з выгляду блізу 8 гадоў, рост 115 сантыметраў, валасы цёмныя. Быў апрануты ў чорныя штаны, майку балотнага колеру з выявай мульцяшных герояў «міньёнаў» па ўсе паверхні.

Тых, у каго ёсць інфармацыя пра месцазнаходжанне дзяцей, просяць паведаміць пра гэта на тэлефоны: 8 (029) 720-42-35, 8 (029) 220-34-91 або 102.