Расейскія акупанты здалі сваіх памагатых у Беларусі

Расейцы запісалі для іх відэавіншаванне.

Расейскія акупанты павіншавалі з Вялікаднем Гарадзенскі і Жыровіцкі манастыры.

Са зброяй у руках расейскія акупанты запісалі асобнае відэавіншаванне для беларускіх манастыроў РПЦ, сярод іх асабіста скандальнай гарадзенскай ігуменні Гаўрыіле.

"Ад асобы батальёна радыёэлектроннай барацьбы дзякуем за падтрымку", — гаворыцца ў відэа.

Расейскаму войску актыўна дапамагаюць манастыры БПЦ: Свята-Елісавецінскі, Лаўрышэўскі ў Навагрудку і Жыровіцкі. Нядаўна стала вядома, што да дапамогі сталі далучаць нават дзяцей - у нядзельнай школе ў Гародні дзяцей прымусілі пісаць лісты падтрымкі акупантам.