«Чысткі» ў пракуратуры
1- 31.10.2007, 13:07
Пракурор Гарадзенскай вобласці Васіль Літвінаў будзе вызвалены ад занятай пасады, паведаміў на прэс-канферэнцыі ў Менску Генеральны пракурор Беларусі Пётр Міклашэвіч.
“Па выніках расследавання крымінальнай справы ў дачыненні былога супрацоўніка Гарадзенскай міліцыі Аляксандра Сяргейчыка да строгай дысцыплінарнай адказнасці будуць прыцягнутыя шэраг супрацоўнікаў праваахоўных органаў Гарадзенскай вобласці, а пракурор Гарадзенскай вобласці Васіль Літвінаў будзе вызвалены ад занятай пасады", – паведаміў Генпракурор.
Паводле яго слоў, згодна з указам кіраўніка дзяржавы за дапушчаную халатнасць і бяздзейнасць да строгай дысцыплінарнай адказнасці будзе прыцягнуты шэраг супрацоўнікаў МУС, Генпракуратуры, а таксама супрацоўнікаў праваахоўных органаў Гарадзенскай вобласці ў сувязі з справай А.Сяргейчык", – сказаў П.Міклашэвіч.
Як раней паведамляў "Інтэрфакс", былы супрацоўнік дэпартамента аховы УУС Гарадзенскай вобласці А.Сяргейчык быў асуджаны за шэраг забойстваў і згвалтаванняў, якія ён здзяйсняў цягам 10 гадоў.
