Латвія паспаборнічае з Беларуссю за правядзенне ЧС у хакеі

Латвія мае намер прэтэндаваць на права правядзення сусветнага першынства ў хакеі ў 2022 годзе.

Пра гэта ў інтэрв'ю тэлеканалу LNT заявіў новы кіраўнік Латвійскай хакейнай федэрацыі (ЛХФ) Айгар Калвіціс, паведамляе delfi.lv.

«Найбліжэйшы год, у які Латвія можа прэтэндаваць і спадзяецца атрымаць права правядзення чэмпіянату свету ў хакеі, - гэта 2022-і. Пастанова аб месцы правядзення гэтага турніру будзе прынятая праз два гады. На міжнароднай арэне цяпер існуе тэндэнцыя дзяліць чэмпіянат паміж дзвюма краінамі, што лагічна - гэта дазваляе прыцягнуць да турніру большы інтарэс і больш гледачоў. Таму Латвія або разам з кімсьці, або асобна будзе прэтэндаваць на яго правядзенне», - сказаў Калвіціс.

Нагадаем, што Беларусь прэтэндуе на права правядзення ЧС-2021 і ЧС-2022.