Рэгіёны Расеі масава адмаўляюцца святкаваць 9 траўня

У чым прычына?

Белгарадская, Бранская, Курская, Разанская, Пскоўская вобласці РФ, а таксама Севастопаль у часова акупаваным Крыме зноў адмовіліся ад святочных парадаў і салютаў на 9 траўня. Аб гэтым піша расейскае выданне Mash.

Як мяркуецца, збой вайсковай тэхнікі і вайскоўцаў у расейскіх гарадах можа справакаваць атакі ўкраінскіх БПЛА.

Традыцыйную акцыю «Бессмяротны полк» анансавалі ў онлайн-фармаце. Надумалі не рызыкаваць і паўдзельнічаць праз інтэрнэт таксама Комі, Чыта, Забайкальскі край і Ніжагародская вобласць. У той жа час, як адзначаюць журналісты, у многіх гарадах пакуль «думаюць», ці варта арганізоўваць масавыя мерапрыемствы ў гэты дзень.

У 2023 годзе ад «жывога» святкавання 9 траўня адмовіліся 23 гарады з прымежных з Украінай рэгіёнаў, АР Крым. Ад правядзення мерапрыемстваў таксама адмаўляліся ўлады Цюмені.

У той жа час падчас нядаўняй рэпетыцыі парада на 9 траўня ў расейскім Екацярынбургу засвяцілася сістэма залпавага агню БМ-14ММ на шасі ЗіЛ-131, якая з'яўляецца «спецыфічным» рарытэтам.