У ЗША прэзентавалі самую вялікую ў свеце 3D-друкарку

Хуткая і прадукцыйная.

Ва ўніверсітэце штата Мэн была прэзентаваная самая вялікая ў свеце 3D-друкарка, якая ў чатыры разы пераўзыходзіць папярэднюю мадэль.

Новая машына, названая «Фабрыка будучыні 1.0», здольная ствараць яшчэ больш магутныя аб'екты, уключаючы дамы з біяматэрыялаў, што можа стаць рашэннем для праблемы бяздомных, паведамляе «Новое время».

Гэты масіўны прынтар, размешчаны ў Цэнтры перадавых структураў і кампазітаў Універсітэта штата Мэн, уяўляе з сябе новую эру даследаванняў у галіне 3D-друку. Ён пашырае магчымасці тэхналогіі, у тым ліку яе выкарыстанне для будаўніцтва жылля на біялагічнай аснове.

Паводле Хабіба Дагера, дырэктара цэнтра, новая друкарка адкрывае новыя гарызонты даследаванняў, інтэгруючы супольныя робататэхнічныя аперацыі з высокапрадукцыйнымі вылічэннямі і штучным інтэлектам. Гэта робіць яе ключавой прыладай для стварэння будучых інавацыйных праектаў.

На мерапрыемстве прэзентацыі прынтара прысутнічалі прадстаўнікі міністэрстваў абароны, энэргетыкі і жыллёвага будаўніцтва, якія выказалі зацікаўленасць у выкарыстанні новай тэхналогіі. Хайдзі Ш'ю, намесніца міністра абароны ў даследаваннях і распрацоўках, назвала прынтэр «маяком інавацый».

Новая друкарка можа друкаваць аб'екты памерам да 29 мв у даўжыню, 10 м у шырыню і 5,5 м у вышыню, спажываючы да 220 кг матэрыялу за гадзіну. Яе выкарыстанне для стварэння жылля з баяматэрыялаў можа стаць адказам на дэфіцыт даступнага жылля і працоўнай сілы для будаўніцтва.

Гэты прынтар ужо выкарыстоўваўся для стварэння розных аб'ектаў, у тым ліку лодкі і структуры абароннай установы. Яго галоўная мэта – паказаць, як з дапамогай перадавых тэхналогій можна развязваць сучасныя праблемы, уключаючы забеспячэнне даступнага жылля з мінімальным негатыўным уздзеяннем на навакольнае асяроддзе.

Будучыня 3D-друку ва Універсітэце штата Мэн абяцае прадоўжыць развівацца, залучаючы працу з больш шырокім спектрам баяматэрыялаў і ідэямі для розных сфераў жыцця і вытворчасці.