У Брытаніі паказалі выпрабаванні новага магутнага танка Challenger 3

Ён можа развіваць хуткасць да 60 кіламетраў за гадзіну і страляць 120-мм бомбамі.

Новы брытанскі танк Challenger 3 прайшоў выпрабаванне. Гэты танк стане «самай смяротнай» баявой машынай у гісторыі брытанскага войска, паведамляе РБК-Украіна са спасылкай на Міністэрства абароны Брытаніі.

Найноўшыя танкі вырабляюцца на заводзе кампаніі Rheinmetall BAE ў брытанскім горадзе Тэлфардзе.

Баявыя стрэльбы адбыліся на поўначы Нямеччыны пасля візіту прэм'ер-міністра Брытаніі Рышы Сунака ў Берлін.

Падчас кваліфікацыйных стрэльбаў першы танк Challenger 3 страляў па цэлях з розных адлегласцяў для забеспячэння дакладнасці.

Як адзначаюць у Брытаніі, дзякуючы падвышанай жывучасці і зруйнавальнай агнявой моцы Challenger 3 можа пахваліцца «ўражальным наборам самых сучасных тэхналогій», што робіць яго «самым смяротным» танкам, які калі-небудзь выкарыстоўваўся брытанскім войскам.

Што яшчэ вядома пра Challenger 3

Мінабароны Брытаніі адзначае, што найноўшая баявая машына распрацаваная паводле ўсіх стандартаў NATO. У яго палепшаныя датчыкі, перадавая браня і сістэма актыўнай абароны. Чакаецца, што Challenger 3 будзе на ўзбраенні брытанскага войска з 2024 года. Плануецца вырабіць 140 такіх танкаў.

Танк Challenger 3 можа развіваць хуткасць да 60 км/г і страляць 120-мм бомбамі.

Варта дадаць, што Вялікая Брытанія перадала Украіне танкі Challenger 2. Як вядома, Узброеныя сілы Украіны атрымалі 14 танкаў Challenger 2. Іх ужо выкарыстоўваюць на полі бою.