Ляховіч сустрэнецца з Валуевым 16 лютага
- 11.12.2007, 14:08
Беларускі баксёр-цяжкавагавік Сяргей Ляховіч сустрэнецца з расейцам Міколам Валуевым 16 лютага 2008 года. Паядынак Ляховіч – Валуеў пройдзе ў Нямеччыне.
Пераможца бою атрымае права пазмагацца за тытул чэмпіёна свету па версіі WBA з Русланам Чагаевым.
Чэмпіён WBA Руслан Чагаеў, які адабраў гэтае званне ў Валуева ў красавіку, правядзе першую абарону свайго тытула 19 студзеня. Супернікам узбекскага спартсмена стане амерыканец Мэтт Скелтан.