Папа Рымскі блаславіў рэстаўрацыю алтара Фарнага касцёла ў Гродна
15:20, — Рэлігія
Пісьмовае блаславенне на працы па рэстаўрацыі алтара Фарнага касцёла ў Гродна атрымаў сёння асабіста ад Папы Рымскага Бенедыкта ХVI мастак-разьбяр Казімір Місюра, актывіст Руху “За Свабоду” з Воранава Гродзенскай вобласці.
Казімір Місюра вядзе працы па рэстаўрацыі алтара пачатка ХVIІІ ст. у Фарным касцёле, які пры нявысветленых абставінах згарэў 13 ліпеня 2006 года.
Казімір Місюра моцна ўзрушаны папскім блаславеннем. “Для мяне гэтая найлепшая адзнака маёй працы і майго жыцця, - кажа ён. – Вельмі ўсцешаны тым, што маю сілы на такую працу, што аказаўся здольным быць карысным для Беларусі, для касцёла, для сябе”.
