Анатоль Лябедзька: «25 сакавіка ў 18 гадзін мы будзем на плошчы Якуба Коласа»

Гарадзкія ўлады сёньня далі дазвол на правядзеньне маніфэстацыі ў Дзень Волі па маршруце ад Акадэміі навук да плошчы Бангалор. Заяўнікі выказалі нязгоду з гэтым рашэньнем і склалі зь сябе адказнасьць за ягоныя наступствы. “Мы не падпісваліся пад такім маршрутам, таму ад сёньня мы не зьяўляемся заяўнікамі. Але разам з тым мы сьведчым, што ў 18 гадзін 25 сакавіка як грамадзяне Беларусі мы будзем на плошчы Якуба Коласа”, -- заявіў у інтэрв’ю “Радыё Свабода” лідэр АГП Анатоль Лябедзька.