Экс-дырэктар «Жданавічаў» патрапіў у турэмную лякарню з інфарктам
2- 14.05.2008, 8:38
У былога генеральнага дырэктара Гандлёвага дома "Ждановічы" Яўгена Шыгалава сур'ёзныя праблемы з сэрцам. 7 траўня Яўген Шыгалаў патрапіў у Рэспубліканскую турэмную лякарню з падазрэннем на інфаркт.
Як піша "Народная воля", калі дыягназ пацвердзіцца, то гэта будзе трэці інфаркт Шыгалава.
Нагадаем, што генеральнаму дырэктару Гандлёвага дома "Ждановічы" Яўгену Шыгалаву і яго намеснікам, якія былі затрыманы разам з ім, высунута абвінавачанне па ч. 3 арт. 424 Крымінальнага кодэкса Беларусі -- "злоўжыванне ўладай або службовымі паўнамоцтвамі".
