Беларускі МЗС выступіў з абвінавачваннямі супраць ЗША
16
14:19, — Палітыка
МЗС Беларусі пракаментаваў пашырэнне з боку ЗША санкцыяў супраць беларускіх прадпрыемстваў.
"Сваімі дзеяннямі ЗША прадэманстравалі, што меры, якія яны прымаюць, накіраваныя супраць радавых беларускіх грамадзянаў і закранаюць інтарэсы работнікаў прадпрыемстваў, уключаных ў абмежавальны спіс", — заявіў прэс-сакратар Міністэрства замежных справаў Беларусі Андрэй Папоў, каментуючы новыя ўдакладненні да эканамічных санкцыяў у адносінах канцэрну "Белнафтахім".
Нагадаем, 15 мая Міністэрства фінансаў ЗША апублікавала чарговае ўдакладненне да прымянення эканамічных санкцыяў у адносінах канцэрну "Белнафтахім", якія былі ўведзеныя ў лістападзе 2007 года. Тры новых прадпрыемствы, што ўваходзяць у структуру канцэрну, — ЗАТ "Беларускі нафтавы гандлёвы дом", ААТ "Лакафарба" (Ліда, Гарадзенская вобласць) і ААТ "Полацк-шкловалакно" — уключаныя ў афіцыйны спіс юрыдычных і фізічных асобаў, у адносінах якіх дзейнічаюць эканамічныя санкцыі Злучаных Штатаў.
А.Папоў адзначыў, што дзеянні ЗША "не прадстаўляюць сабой нічога новага" і з’яўляюцца "канкрэтызацыяй "адрасатаў" тых абмежавальных мераў, аб якіх ЗША ўжо абвяшчалі раней".
"Асабліва кідаецца ў вочы, што гэты крок зроблены амерыканскім бокам адразу за недвухсэнсоўна заяўленай прэзідэнтам Рэспублікі Беларусь адкрытай і шчырай пазіцыяй на карысць раўнапраўнага ўзаемапаважальнага дыялогу ў мэтах нармалізацыі беларуска-амерыканскіх адносінаў", — падкрэсліў А.Папоў.
Напісаць каментар (16)
Навіны
па тэме
- ЗША ўвялі санкцыі супраць яшчэ трох беларускіх кампаній
- Сямашка пра новыя санкцыі ЗША: «Вядома, праблемы паўстануць»
Закладкі
