Аляхно прадракаюць правал на «Еўрабачанні» (Відэа)
1- 20.05.2008, 13:26
Паводле прагнозу букмекерскага партала www.oddschecker.com, на раніцу 20 траўня стаўкі на перамогу прадстаўніка Беларусі на "Еўрабачанні-2008" у другім паўфінале конкурсу вагаюцца ад 5 да 80.
Па гэтым паказніку Руслан Аляхно займае ў рэйтынгу другога паўфіналу дванаццатае месца.
Нагадаем, Р.Аляхно выступіць у другім паўфінале "Еўрабачання-2008" пад дзевятым нумарам 22 траўня. Паводле правілаў конкурсу, у фінал выйдзе дзесятка лепшых выканаўцаў кожнага паўфіналу. Перамогу на "Еўрабачанні" еўрапейскія букмекеры аддаюць Дзіму Білану (Расея). Другое месца, паводле прагнозаў, зойме Сербія, трэцяе - Украіна, чацвёртае - Арменія, пятае - Грэцыя. Руслан Аляхно, па прагнозах на раніцу 20 траўня, прэтэндуе на 28 месца з 43 удзельнікаў конкурсу. Пры гэтым стаўкі на перамогу Д.Білана вагаюцца 3-3,7 : 1, Р.Аляхно – 50-200 : 1, пераказвае БелаПАН.
Нагадаем, 20 траўня адбудзецца першы паўфінал "Еўрабачання-2008". Удзел у ім возьмуць 19 краін, у тым ліку Расея, Грэцыя, Арменія. Тэлегледачы Беларусі ў першым паўфінале змогуць толькі назіраць за галасаваннем.
