ТОП-10 другога паўфіналу «Еўрабачання» па версіі журналістаў
- 21.05.2008, 17:21
Руслан Аляхно войдзе ў дзясятку фіналістаў па выніках выступлення ў паўфінале 22 мая, лічаць прадстаўнікі прэсы, акрэдытаванай на конкурсе «Еўрабачанне-2008» у Сербіі.
Па выніках папярэдняга галасавання журналістаў напярэдадні паўфіналу Руслан Аляхно займае 6-е месца з 717 баламі. Узначальвае Топ-10 Швецыя: Шарлоце Перрэллі журналісты паставілі тысячу балаў. Другое месца займае Ўкраіна — Ані Лорак адстала ад лідэра на 26 балаў. Трэцяя пазіцыя ў Турцыі. На чацвертым месцы Партугалія, на пятым — Ісландыя.
Пасля Беларусі знаходзяцца Балгарыя, Мальта, Кіпр. Закрывае дзясятку Грузія, паведамляе БелТА.
