Аляксей Шыдлоўскі паўторна папрасіў палітычнага прытулку ў Чэхіі
2
17:35, — Палітыка
7 жніўня актывіст беларускай апазіцыі Аляксей Шыдлоўскі паўторна папрасіў палітычнага прытулку ў Чэхіі.
Першы раз Шыдлоўскі папрасіў палітычнага прытулку 5 лютага 2008 года. У сакавіку МЗС Чэхіі адказаў адмовай, спасылаючыся на Дублінскую дамову: займацца справай аб прадастаўленні палітычнага прытулку павінная краіна, якая выдала візу на больш працяглы тэрмін (на той момант у А.Шыдлоўскага было дзве візы — гадавая літоўская і трохдзённая чэшская).
А.Шыдлоўскі пасля высылання з Чэхіі не вяртаўся ў Беларусь, а пражываў ва Ўкраіне.
"Атрымаць візу мне дапамагла амбасада Чэхіі ва Ўкраіне. Акрамя таго, я папрасіў палітычны прытулак пры садзейнічанні МЗС Чэхіі. Спадзяюся, у гэты раз адмовы не будзе. Усю працэдуру атрымання палітычнага прытулку прыйдзецца прайсці спачатку, нягледзячы на тое, што ў пачатку года я знаходзіўся ў лагеры для ўцекачоў паўтара месяца", — паведаміў А.Шыдлоўскі у інтэрв'ю БелаПАН.
Нагадаем, актывіст апазіцыі змушаны быў прасіць палітычны пыртулак пасля таго, як у Беларусі ў яго адносінах ў канцы 2007 года была ўзбуджаная справа па ч. 3 арт. 339 Крымінальнага кодэкса (хуліганства), якая прадугледжвае пакаранне ў выглядзе пазбаўлення волі да 10 гадоў. Крымінальная справа было адкрытая пасля бойкі ў краме, якая паўстала падчас сварак з прадаўцом з-за партрэта Аляксандра Лукашэнкі. А.Шыдлоўскі заявіў, што бойка была справакаваная.
У лютым 1998 года А.Шыдлоўскі быў прысуджаны да палутара год пазбаўлення волі па абвінавачванні ў злосным хуліганстве за нанясенне антыпрэзідэнцкага графіці на сцены дамоў у Стоўбцах Менскай вобласці. У 2001 годзе за ўдзел у дзейнасці моладзевага руху "Зубр" быў прысуджаны да двух гпдоў выпраўленчых прац і выключаны з Інстытута сучасных ведаў.
Навіны
па тэме
