«Здалёку ўбачыў, што дзіця набліжаецца да дарогі»

У Менску кіроўца прапусціў пешаходаў, але ўсё адно застаўся «вінаватым».

Цікавае відэа з вуліцы Гінтаўта ў Менску даслаў Onlíner чытач.

- Такая сітуацыя часта сустракаецца на дарогах, але гэтая цікавая: я здалёк убачыў, што дзіця набліжаецца да скрыжавання дарог, а тата бяжыць да яго здалёку, - распавёў кіроўца.

Ці то дзіця ўцякло з вазком занадта далёка, ці, наадварот, спрабавала спыніць вазок - так адразу і не скажаш. Але кіроўца павёў сябе як і належыць.

- Я прытармазіў і саступіў дарогу маленькаму пешаходу. Але мужчына ўсё адно пачаў нешта паказваць жэстамі, гарлапаніць - і гэта была не падзяка. Я адчыніў дзверы, удакладніў, што менавіта яму не спадабалася. Пачуў у адказ, што я лётаю, не ўключаю павароты і, што самае цікавае, еду без фар у цёмны час дня, хоць у мяне прашыты ў аўто «скандынаў». Не стаў уступаць з ім у палеміку, - распавёў аўтар відэа.

Што ж, чаго не скажаш часам на нервах.

- Сачыце за сваімі дзецьмі і не будзе ніякіх страшных сітуацый і здарэнняў, - заклікаў кіроўца.