Лічбы датэрміновага галасавання ўжо зашкальваюць
46- 16.12.2010, 10:54
Сакратар Цэнтравыбаркаму Мікалай Лазавік паведаміў, што за два дні ў Беларусі датэрміновага галасавання на выбарах прэзідэнта прагаласавала 7,2% выбаршчыкаў.
Паводле яго словаў, найбольш актыўна галасавала Віцебская вобласць, дзе выбарчыя ўчасткі наведалі 11,4% выбаршчыкаў. У Берасцейскай вобласці прагаласавала 5,9% выбаршчыкаў, Гомельскай — 6,1%, Гарадзенскай — 8,1%, Менскай — 6,3%, Магілёўскай — 8,2%, Менску — 5,8%, перадае БелаПАН.
На ўчастках за мяжой датэрмінова прагаласавала 9% выбаршчыкаў.
На прэзідэнцкіх выбарах 2006 года за два дні датэрміновага галасавання свой выбар зрабілі 6,1% выбаршчыкаў.
Нагадаем, што датэрміновае галасаванне ў Беларусі праходзіць пад прымусам. Па сведчанні праваабаронцаў, датэрмінова галасаваць прымушаюць студэнтаў, працаўнікоў дзяржпрадпрыемстваў, вайскоўцаў. Звязана гэта з тым, што вынікі датэрміновага галасавання лягчэй фальсіфікаваць.