Праляскоўскі: «Журналістам падабаецца лічыць сябе чацвёртай уладай - я так не лічу»

У Сусветны дзень свабоды прэсы міністр інфармацыі Беларусі распавёў аб сваім разуменні месца і ролі беларускага журналіста ў грамадстве.

Падчас онлайн-канферэнцыі, наладжанай агенцтвам БелТА, міністр інфармацыі Алег Праляскоўскі распавёў, што адным з асноўных крытэрыяў адзінага партала беларускіх СМІ будзе здольнасць задаваць публічны парадак дня ў сетцы Інтэрнэт; што журналістам падабаецца лічыць сябе чацвёртай уладай, хоць ён так не лічыць, перадае «Салідарнасць».

Аб адзіным партале беларускіх СМІ

- Стварэнне Інтэрнет-партала беларускіх сродкаў масавай інфармацыі прадыктаванае неабходнасцю рашэння наступных задач: забеспячэнне давядзення афіцыйнай пазіцыі беларускага боку па ключавых напрамках унутранай і знешняй палітыкі; садзейнічанне папулярызацыі беларускіх сродкаў масавай інфармацыі ў сетцы Інтэрнэт; стварэнне адзіных тэхнічных і іншых рамак працы інтэрнэт-версій беларускіх СМІ шляхам іх аб'яднання праз агрэгатар, размешчаны на Інтэрнэт-партале.

У якасці асноўных крытэрыяў эфектыўнасці работы партала разглядаюцца: здольнасць уплываць на кантэнт іншых сайтаў і такім чынам задаваць публічны парадак дня ў сетцы Інтэрнэт (што выяўляецца ў высокім індэксе цытавання); прамое ўздзеянне на максімальна шырокую аўдыторыю (што выяўляецца ў высокай наведвальнасці сайта).

Плануецца, што Інтэрнэт-партал будзе ўключаць наступныя асноўныя раздзелы: каталог беларускіх СМІ з індывідуальнымі старонкамі кожнага з іх; агрэгатар найбольш важных матэрыялаў беларускіх СМІ; раздзел «Аналітыка» з уласным кантэнтам; раздзел «Канферэнцыі» з уласным кантэнтам (уключаючы аўдыё-і відэаматэрыялы ); раздзел «Блогі» з уласным кантэнтам (калонка рэдактара, калонкі запрошаных аўтараў); дапаможныя сэрвісы (пошук, каляндар і інш.)

У мэтах забеспячэння эканамічнай эфектыўнасці праекта на Інтэрнэт-партале можа размяшчацца рэклама (з улікам асаблівасцяў рэдактарскай палітыкі).

Ключавымі крыніцамі інфармацыі для Інтэрнэт-партала будуць з'яўляцца агенцтва «БелТА», сайты дзяржаўных органаў і арганізацый, сайты дзяржаўных рэспубліканскіх і рэгіянальных выданняў, уласныя і запрошаныя аўтары.

Праляскоўскі пра свіны грып

- Санкцыі не было, нікога не каралі. Калі памятаеце, з афіцыйнай заявай тады выступіла першы намеснік міністра інфармацыі. Прэзідэнт паставіў кропку ва ўсім гэтым інфармацыйным выцці з нагоды свінога грыпу. Гэта ж была практычна 100-працэнтная правакацыя вытворцаў лекаў.

Журналістам падабаецца лічыць сябе чацвёртай уладай (я так не лічу). Прэса фарміруе грамадскае меркаванне - гэта сапраўды так. Але рабіць гэта трэба вельмі асцярожна. Бо можна на працягу некалькіх гадзін давесці грамадства да кропкі кіпення. Ёсць свабода слова, і ёсць найвысокая адказнасць журналіста за слова, напісанае ў друкаваным выданні або сказанае ў эфіры.

Адкрытай чарнухі у дзяржСМІ няма?

У беларускіх дзяржаўных і недзяржаўных СМІ адкрытай чарнухі няма. Міністэрства інфармацыі ўважліва адсочвае сітуацыю ў рамках закона аб СМІ, паведаміў Праляскоўскі.

На яго думку, «маральны кодэкс журналіста павінен быць у кожнага работніка СМІ ў душы і ў галаве, каб спыніць «вылет» якой-небудзь «качкі». Прафесіяналізм заключаецца ў тым, каб не апускацца да подласці і чарнухі, дадаў кіраўнік ведамства. «Журналістыка - гэта перш за ўсё адказнасць, - лічыць Алег Праляскоўскі. - А хто пераступаюць гэтую мяжу - на тое ёсць заканадаўства. У гэтым выпадку суд вырашае, хто праў і хто вінаваты».