Гандбалісты менскага «Дынама» прайгралі «Вальядаліду»

«Дынама» стартаваў у групавым турніры Лігі чэмпіёнаў з паразы ад іспанскага «Вальядаліда» з лікам 30:35.

У першым тайме лік быў роўным толькі спачатку (1:1, 2:2), затым госці сталі паступова сыходзіць у адрыў і да 26-й хвіліны вялі сем мячоў - 17:10. На перапынак каманды сышлі пры ліку 18:12 на карысць «Вальядаліда». На 40-й хвіліне іспанцы выйгравалі 23:16, а наступны сяміхвілінны адрэзак гаспадары выйгралі 7:0 і аднавілі раўнавагу. «Дынама» магло і выйсці наперад, але чарговая атака завяршылася безвынікова. «Вальядалід» здолеў зноў павесці ў ліку - 25:23, 27:24 і ў далейшым утрымліваў перавагу ў адзін-тры мячы, а ў канцы адарваўся на пяць мячоў. Пры ліку 29:30 Павел Ацьман, што разыгрываў гаспадароў, выпусціў шанец закінуць, не здолеўшы правільна распарадзіцца мячом, піша БелаПАН.

У складзе «Дынама» мячы закідвалі: Павел Ацьман - 6 мячоў, Віталь Кажанеўскі - 6 (з іх 4 з пенальці), Дзяніс Рутэнка - 5, Максім Бабічаў - 4, Аляксандр Цітоў - 3, Віктар Каваленка, Сяргей Шыловіч - па 2, Сяргей Ануфрыенка, Барыс Пухоўскі - па 1.

У другім туры 2 кастрычніка «Дынама» прыме ў Менску «Пік».