Абкрадзены Дом быту ў Менску

Мінулай ноччу невядомыя абкралі Дом быту па праспекце Незалежнасці ў Менску.

Пра гэта паведаміла БелТА прэс-афіцэр Партызанскага РУУС Ганна Чыж-Літаш.

Зламыснікі зламалі рашотку і праз акно праніклі ў будынак. Там яны пачалі узломваць ўсе дзверы запар, разлічваючы знайсці грошы. У аддзеле па рамонце гадзіннікаў злачынцы знайшлі сейф, але ў ім нічога не аказалася. У астатніх аддзелах касы таксама былі пустымі. Як распавёў супрацоўнікам міліцыі адзін са служачых Дома быту, уся выручка была здадзеная напярэдадні.

Адзінай перашкодай для налётчыкаў стала дзверы ў фотаатэлье - не адолеўшы замкі, яны пачалі разбіваць сцяну, але змаглі зрабіць толькі невялікую адтуліну.

Падняўшыся на другі паверх у ювелірны аддзел, зламыснікі натыкнуліся на сігналізацыю. Рызыкаваць яны не сталі і спробаў пранікнуць унутр не распачалі. У міліцыі лічаць, што менавіта гэты аддзел і быў асноўнай мэтай «начных наведвальнікаў».

Злачынцы знайшлі толькі Br600 тыс., гэта і стала іхнім адзіным здабыткам.

Па дадзеным факце ўзбуджаная крымінальная справа за крадзёж, праводзяцца вышуковыя мерапрыемствы.